გილოცავთ შობა-ახალწელს!

Wednesday, January 4, 2012

გილოცავთ შობა-ახალწელს!

მოხევეებო, კავკასიონის მთებივით ძლიერნო და მტკიცენო,

სულით და გულით გილოცავთ შობა-ახალწელს,

გისურვებთ ყველაფერს საუკეთესოს დამდეგ 2012-ში!

იდღეგრძელეთ და იმზეგრძელეთ, ხვავი და ბარაქა თქვენ ოჯახებს!

No comments:

Post a Comment

მყინვარწვერი

მყინვარწვერი, იგივეა რაც მწვერვალი ყაზბეგი, მდებარეობს ხოხის ქედზე, ყაზბეგის მუნიციპალიტეტში. მწვერვალი ვულკანური წარმოშობისაა, მისი სიმაღლე ზღვის დონიდან 5047 მ-ია, მწვერვალიდან ეშვება მყინვარები: სუათისი, მნა, ორწვერი, დევდარიკი და სხვა. ერთ ერთი მყინვარიდან სათავეს იღებს მდინარე თერგი.

თერგი - გოდერძი ჩოხელის ლექსი

თერგი ნაპირებს ჩაჰყურებს:
_ ჩავალ, თუ ჩავიჩეხები?
კლდეზე ფრინავენ ტალღები
როგორც დაჭრილი ვეფხვები.
სამშობლოს დარდი თან მიმაქვს,
ჯავრს არვის დავესესხები,
მტრისაკე მივალ მუქარით,
უფსკრულებს ჩავეხეთქები,
ჩვენს მტერთან ომი მწადია,
სამშობლოს დარდით ვერ ვძღები.

თერგის შენაკადები - მდინარე ყურო, მდინარე ჩხერე

მდინარე ყურო – სათავეს იღებს ყუროს ქედზე. ადგილობრივი მოსახლეობა ამ ქედს ყუროს წვერებს ეძახის. ყუროს ქედის ყველაზე მაღალი მწვერვალი ზღვის დონიდან 4041 მ-ზე მდებარეობს. ყუროს ქედი აგებულია იურული თიხა ფიქლებით, მისთვის დამახასიათებელია ალპური ლანდშაფტი. ქედიდან წამოსული მდინარე ყურო ხშირად საშიში ხდება, გამდნარი თოვლის გამო ადიდებული ქედიდან ხმაურით და ღვარცოფის სახით მოდის და მთელი ძალით ეხეთქება ქედის კალთებს, ანგრევს მას და ხმაურით ეშვება თერგისკენ. ასეთი ადიდების მოწმე მეც გავხდი, ყუროს კლდის ნგრევის ხმა და ექო მთელი დღე ისმოდა დაბაში, დანგრეული, მეწყერად წამოსული კლდე დაბის წყალსაცავს დაეცა და დაანგრია, რის გამოც დაბის ნაწილი, მისი სტუმრები, მათ შორის მეც, წყლის გარეშე დავრჩით!!! :)

თერგის მარცხენა შენაკადია მდინარე ჩხერე, რომელიც სათავეს მყინვარწვერის მასივის აღმოსავლეთ კალთაზე, 3565 მ სიმაღლეზე იღებს, მისი სიგრძეა 10 კმ, აუზის ფართობი 33 კვ. კმ. საზრდოობს მყინვარის, თოვლის, წვიმისა და მიწისქვეშა წყლით. ციცაბო კალთებზე მოედინება ხმაურით. მისი ექო დაბაშიც ისმის. მე მოვახერხე და ვნახე როგორ უერთდება ჩხერე თერგს.

თერგის შენაკადები